மனிதனை மனிதன் சுரண்டுவதற்கு வாய்ப்பில்லாத, எல்லோருக்கும் எல்லாம் கிடைக்கும் ஓர் இனிய உலகத்தைப் படைப்பதற்கான போரில் சளைக்காது ஈடுபட இந்த மே நன்னாளில் உறுதியேற்போம் என தமிழக தொழிலாளர் வர்க்கத்திற்கு சிஐடியு - ஏஐடியுசி கூட்டாக அறைகூவல் விடுத்துள்ளன.

வாக்கு எண்ணிக்கை நாள் வரையில் தேர்தல் நடத்தை விதிகள் அமலில் இருக்கும் நிலையில் தமிழகத்தில் வாக்குப்பதிவு முடிந்துவிட்ட நிலையிலும் உலக தொழிலாளர்களின் உரிமை தினமான மே 1 அன்று தமிழகத்தில் பல்வேறு தொழிற்சங்கங்கள் சார்பில் மேதின நிகழ்ச்சிகள் நடைபெறவுள்ளன.